ЯҢАЛЫКЛАР
2025 елда Татарстанның 1,5 меңнән артык гаиләсе репетиторлар, балалар бакчалары һәм мәктәпләр хезмәтләре өчен ана капиталы акчалары белән түләгән
Татарстанның 1,5 меңнән артык гаиләсе ана капиталы акчасын белем бирү хезмәтләре өчен түләүгә кулланган. Татарстанның Социаль фонды бүлеге әлеге максатларга 2025 ел башыннан 99 млн сумнан артык акча күчерде.
Ана капиталы - Россиядә балалары булган гаиләләргә ярдәм итүнең гамәлдәге чарасы. 2025 елда беренче бала туганда ата-аналар - 690 266, 95 сум, икенче бала өчен - 912 162, 09 сум акча ала. Әгәр беренче балага сертификат рәсмиләштерелгән булса, икенче бала тугач, өстәмә рәвештә 221 895,14 сум акча каралган.
Гаилә ана капиталы чараларын кулланып баланы теләсә нинди мәгариф оешмаларында - балалар бакчасыннан алып университетка кадәр укытуны, чит тел өйрәнү һәм автомобиль йөртү курслары, иҗат һәм спорт белән шөгыльләнү дәресләре өчен түли ала. Төп шарт- оешманың белем бирү эшчәнлегенә лицензиясе булырга тиеш.
Ана капиталы акчаларын өстәмә яки төп белем алуга юнәлдергән очракта, ана капиталына хокук биргән балага 3 яшь тулу факты мөһим шарт булып тора. Әгәр ана капиталы акчалары мәктәпкәчә белем бирү учреждениесендә, шул исәптән шәхси эшкуарда баланы карауга һәм тәрбияләүгә җибәрелсә, яисә мәктәпкәчә белем бирү белән
бәйле түгәрәкләр һәм башка белем бирү хезмәтләре өчен түләүгә тотылса, акчаны ана капиталына хокук биргән баланың яшенә бәйсез рәвештә файдаланырга мөмкин.
Дәүләт ярдәме акчаларын гаилә үз балаларына да, уллыкка алынган балаларны укытуга да юнәлтә ала. Иң мөһиме, бала 25 яшьтән өлкәнрәк булмавы, ә Россия территориясендәге уку йортының лицензиягә ия булуы зарур.
"Программаны гамәлгә ашыра башлаганнан бирле 50 меңнән артык татарстанлы ана капиталы акчасын балаларны укытуга юнәлтте. Ана капиталы акчаларын тотуга гариза бирү өчен гаиләгә дәүләт хезмәтләре порталы,күпфункцияле үзәк яисә Татарстан Социаль фонды бүлегенең клиент хезмәте аша гариза бирү дә җитә. Хезмәткәрләр гаризаны 5 эш көне эчендә караячак, сирәк очракларда, гаилә тарафыннан өстәмә белешмәләр бирү кирәк булганда, 10 көнгә кадәр сузылырга мөмкин. Акчалар турыдан-туры мәгариф оешмаларына күчерелә», - дип билгеләп үтте Татарстан Социаль фонды бүлеге идарәчесе Эдуард Вафин.
Сорауларыгыз булган очракта, сез дүшәмбедән пәнҗешәмбегә кадәр - 08:00 дән 17:00 гә кадәр, җомга көнне - 08:00 дән 15:45 кә кадәр ( шалтырату бушлай) 8 800 100 0001 телефоны буенча бердәм контакт-үзәккә шалтырата аласыз .
Россия Социаль фондының Татарстан Республикасы бүлегенең хезмәтләре турында барлык мәгълүматны СФР сайтында, ВКонтакте, Одноклассники и Телеграм социаль челтәрләрдә һәм рәсми аккаунтларда табарга була.
Социаль фондның Татарстан бүлеге 1 апрельдән дәүләт тәэминаты буенча пенсияләрне, шул исәптән социаль пенсияләрне дә 14,75% ка индексацияли. Индексация республикада яшәүче 85 меңнән артык кешегә кагылачак.
Индексация күләме узган елда пенсионерларның яшәү минимумы үсеше темпларыннан чыгып исәпләнә.
Социаль пенсияләрне хезмәт стажы булмаган яки иминият пенсиясе билгеләү өчен эш стажы җитәрлек булмаган гражданнар ала. Моннан тыш, бу түләүләр инвалидлыгы булган һәм туендыручысын югалткан кешеләргә дә тиеш.
Социаль пенсияләр белән бергә түбәндәге категориягә караган гражданнарның пенсияләре индексацияләнәчәк:
- Бөек Ватан сугышында катнашучылар;
- «Блокададагы Ленинградта яшәүчегә», «Камалган Севастопольдә яшәүче» яисә «Камалган Сталинградта яшәүче» билгесе белән бүләкләнгән гражданнар;
- чакырылыш буенча хәрби хезмәткә алынган хәрби хезмәткәрләр һәм аларның хезмәткә сәләтсез гаилә әгъзалары;
- радиация йогынтысына дучар булган гражданнар һәм аларның хезмәткә яраксыз гаилә әгъзалары;
- - космонавтлар һәм очучы-сынаучылар.
«1 апрель көнне Татарстанда яшәүче 85 200 пенсионерның пенсияләре индексацияләнәчәк. Пенсияләр арттырылган күләмдә аларга апрель аенда моңа кадәр гамәлдә булган тапшыру графигы буенча киләчәк. Россия Социаль фондының Татарстан
Республикасы бүлекчәсе индексацияне проактив форматта ясый, ягъни гражданнарга гариза бирергә кирәкми, - дип сөйләде Татарстан Республикасы буенча Социаль фонд бүлеге идарәчесе Эдуард Вафин.
Сорауларыгыз булган очракта, сез дүшәмбедән пәнҗешәмбегә кадәр - 08:00 дән 17:00 гә кадәр, җомга көнне - 08:00 дән 15:45 кә кадәр (шалтырату бушлай) 8 800 100 0001 телефоны буенча бердәм контакт-үзәккә шалтырата аласыз.
Россия Социаль фондының Татарстан Республикасы бүлегенең хезмәтләре турында бөтен мәгълүматны СФР сайтында, ВКонтакте, Одноклассники и Телеграм социаль челтәрләрдә һәм рәсми аккаунтларда табарга була.
2025 ел башыннан Татарстан Республикасы Социаль фонд бүлеге булачак 5015 әнигә йөклелек һәм бала табу буенча иминият пособиесе түләде.
Әлеге төр түләү йөкле яисә өч айга кадәр яшьтәге баланы уллыкка алган эшләүче хатын-кызларга бирелә. Ярдәм күләме төрле факторларга: хезмәт хакының зурлыгына, бала табуның катлаулылыгына, йөклелекнең бер яки күп яралгылы булуына бәйле.
Пособие бала туганчы 70 көн һәм туганнан соң 70 көн өчен түләнә. Өч ай тулмаган баланы уллыкка алган очракта пособие уллыкка алынган көннән алып баланың туган көненнән 70 календарь көн узганчыга кадәр түләнә. Күп яралгылы йөклелек яки баланы авыр тапкан очракта ял вакыты арттырыла. Игезәк балалар тапкан хатын-кыз 194 көн өчен пособие алачак: бу очракта бала туганчы-84 көн, бала туганнан соң-110 көн өчен пособие түләнә. Берьюлы ике һәм аннан күбрәк баланы уллыкка алган очракта, түләү срогы 110 көнгә кадәр арттырыла.
2025 елда пособиенең максималь күләме 140 көн (70 +70) өчен 794 355,80 сум, 194 көн өчен (84 +110) - 1 100 750,18 сум тәшкил итәргә мөмкин.
Пособие күләме йөклелек һәм бала табу буенча ял башланганчыга кадәр ике календарь ел өчен исәпләнгән уртача хезмәт хакына бәйле. Әгәр бу ике елда хатын-кыз йөклелек һәм бала табу ялында яки бала карау ялында булса, календарь елларны аның гаризасы буенча алыштырырга мөмкин. Әлбәттә, үзгәреш пособие күләменең артуына китергән очракта гына гариза кабул ителә.
Социаль фондның Татарстан бүлеге ял чорына тиешле барлык пособиене берьюлы күчерә. Түләү эш бирүче тарафыннан белешмәләр һәм пособие билгеләү һәм түләү өчен кирәкле документлар бирелгән көннән соң 10 эш көне эчендә башкарыла. Акча булачак әнинең счётына күчерелә яисә почта аша җибәрелә.
Сораулар булган очракта, сез дүшәмбе - пәнҗешәмбе көннәрендә 08.00-17.00 сәгатьләрдә, җомга көнне 08:00 дән 15.45кә кадәр 8-800 100 0001 телефоны буенча бердәм
контакт-үзәккә шалтырата аласыз (шалтырату бушлай). Өстәмә мәгълүмат Социаль фондның рәсми социаль челтәрләрендә дә урнаштырылган:
- Telegram,
2025 ел башыннан Татарстан Республикасы Социаль фонд бүлеге булачак 5015 әнигә йөклелек һәм бала табу буенча иминият пособиесе түләде.
Әлеге төр түләү йөкле яисә өч айга кадәр яшьтәге баланы уллыкка алган эшләүче хатын-кызларга бирелә. Ярдәм күләме төрле факторларга: хезмәт хакының зурлыгына, бала табуның катлаулылыгына, йөклелекнең бер яки күп яралгылы булуына бәйле.
Пособие бала туганчы 70 көн һәм туганнан соң 70 көн өчен түләнә. Өч ай тулмаган баланы уллыкка алган очракта пособие уллыкка алынган көннән алып баланың туган көненнән 70 календарь көн узганчыга кадәр түләнә. Күп яралгылы йөклелек яки баланы авыр тапкан очракта ял вакыты арттырыла. Игезәк балалар тапкан хатын-кыз 194 көн өчен пособие алачак: бу очракта бала туганчы-84 көн, бала туганнан соң-110 көн өчен пособие түләнә. Берьюлы ике һәм аннан күбрәк баланы уллыкка алган очракта, түләү срогы 110 көнгә кадәр арттырыла.
2025 елда пособиенең максималь күләме 140 көн (70 +70) өчен 794 355,80 сум, 194 көн өчен (84 +110) - 1 100 750,18 сум тәшкил итәргә мөмкин.
Пособие күләме йөклелек һәм бала табу буенча ял башланганчыга кадәр ике календарь ел өчен исәпләнгән уртача хезмәт хакына бәйле. Әгәр бу ике елда хатын-кыз йөклелек һәм бала табу ялында яки бала карау ялында булса, календарь елларны аның гаризасы буенча алыштырырга мөмкин. Әлбәттә, үзгәреш пособие күләменең артуына китергән очракта гына гариза кабул ителә.
Социаль фондның Татарстан бүлеге ял чорына тиешле барлык пособиене берьюлы күчерә. Түләү эш бирүче тарафыннан белешмәләр һәм пособие билгеләү һәм түләү өчен кирәкле документлар бирелгән көннән соң 10 эш көне эчендә башкарыла. Акча булачак әнинең счётына күчерелә яисә почта аша җибәрелә.
Сораулар булган очракта, сез дүшәмбе - пәнҗешәмбе көннәрендә 08.00-17.00 сәгатьләрдә, җомга көнне 08:00 дән 15.45кә кадәр 8-800 100 0001 телефоны буенча бердәм
контакт-үзәккә шалтырата аласыз (шалтырату бушлай). Өстәмә мәгълүмат Социаль фондның рәсми социаль челтәрләрендә дә урнаштырылган:
- Telegram,
2025 ел башыннан электрон сертификатлар ярдәмендә Татарстан халкы 2 595 техник тернәкләндерү чарасы сатып алган. Бу максатларга Социаль фондның Татарстан бүлеге 62 миллион сумнан артык акча юнәлткән.
«Электрон сертификат – ул гражданнарга тернәкләндерү һәм абилитация программасында (ИПРА) тәкъдим ителгән реабилитацияләү яки протез-ортопедия әйберләрен сатып алырга мөмкинлек бирә торган түләү инструменты. Сертификат банк картасы тәртибендә эшли: товар өчен гади сәүдә нокталарында да, онлайн-кибетләрдә тиз арада бернинди тоткарлыксыз түләп була», - дип аңлатты Татарстан Республикасы буенча Социаль фонд бүлеге идарәчесе Эдуард Вафин.
Бүген сертификатлар ярдәмендә, заказга эшләнгән индивидуаль эшләнмәләрне дә кертеп, 300 дән артык төрле тернәкләндерү чарасы сатып алырга мөмкин.
Сертификатны инвалидлыгы булган кешеләр, произвдствода зыян күргән яки һөнәри авыру алган гражданнар рәсмиләштерә ала. Сертификатта аның гамәлдә булу вакыты, сертификат ярдәмендә сатып алырга мөмкин булган тернәкләндерү эшләнмәләренең төрләре һәм саны турында мәгълүмат бар, шулай ук тернәкләндерү чарасының кеше өстәмә акча сарыф итмичә гына түләргә тиешле максималь бәясе күрсәтелгән.
Электрон сертификатның тагын бер уңайлылыгы: гражданнар аны рәсмиләштерүгә гаризаны өйдән чыкмыйча гына дәүләт хезмәтләре порталы аша бирә алалар. Россия Социаль фонды сайты каталогында мөстәкыйль рәвештә кирәкле техник тернәкләндерү чарасын сайларга, аның бәясен белергә, электрон сертификатларны түләүгә кабул итүче кибетләрнең җитештерүчесен һәм адресларын ачыкларга мөмкин.
Дәүләт хезмәтләре порталыннан тыш электрон сертификатны рәсмиләштерүгә гаризаны Татарстан Республикасы Социаль фонд бүлекләренең һәм күпфункцияле үзәкләрнең клиент хезмәтләрендә бирергә мөмкин. Иң мөһиме: сертификат алу өчен
гражданнарның «Мир» түләү системасының банк картасы булырга тиеш. Гариза биш эш көне эчендә карала, ә кабул ителгән карар турындагы хәбәрнамә мөрәҗәгать итүчегә өч эш көне эчендә җибәрелә.
Консультация алу өчен гражданнар 8-800-1-00000-1 телефоны буенча (бушлай, дүш.-пәнҗ.: 08:00-17:00, җомга.: 08:00-15:45) Бердәм контакт -үзәккә мөрәҗәгать итә ала.
Өстәмә мәгълүмат Социаль фондның рәсми социаль челтәрләрендә дә урнаштырылган:
- ВКонтакте
- Одноклассники
-Telegram
5 мартта Татарстан Республикасы буенча Россия Социаль фонды бүлеге җитәкчесе Эдуард Вафин «ТатарИнформ» Мәгълүмат агентлыгында узган матбугат конференциясендә балалы гаиләләргә ярдәм итү чаралары турында доклад белән чыгыш ясады.
Җитәкче балалы гаиләләргә ярдәм итүнең иң зур чарасы — 2007 елдан Россиядә эшләп килүче әни (гаилә) капиталы программасы икәнен билгеләп үтте. Башта ул икенче бала туганда бирелсә, 2020 елдан башлап беренче балалар өчен дә таратылды.
Быел әни капиталы күләме 9,5% ка индексацияләнде. Хәзер беренче бала өчен ата-аналар 690 266,95 сум ала. Беренче балага әни капиталы алганнан соң, икенче бала туганда өстәмә түләү 221 895,14 сумга кадәр арттырылды. Татарстанда программа башланганнан бирле якынча 432 мең гаилә сертификатлар алды.
Әни капиталы белән торак шартларын яхшырту (Татарстанда 323 мең гаилә шулай эшләде), балаларны укыту (50 меңгә якын гаилә файдаланды), 3 яшькә кадәрге балага ай саен түләү, ата-ананың тупланма пенсиясе, инвалид балалар өчен товарлар һәм хезмәтләр сатып алу, калган сумманың бер тапкыр түләнеше (10 мең сумнан артмый) кебек мөмкинлекләр бар.
Эдуард Вафин Татарстан буенча Социаль фонд бүлеге әни капиталын бер тапкыр гына рәсмиләштерүен искә төшерде. Әгәр гаилә беренче яки икенче балага сертификат алмаган булса, ата-аналар аны өченче һәм аннан соңгы балаларга рәсмиләштерергә хокуклы. Программа кагыйдәләре акчаны бер юнәлешкә яки берничә юнәлешкә бүлеп куллану мөмкинлеген бирә.
Эдуард Вафин бердәм пособиены рәсмиләштерү кагыйдәләре турында да сөйләде. Бүген Татарстанда бу ярдәмне 190 мең баланың ата-аналары ала. Бердәм пособие гаиләнең уртача кереме региональ яшәү минимумыннан түбән булганнарга билгеләнә. Татарстанда 2025 елда пособие күләме балага 14 621 сумга кадәр, ә йөкле хатыннарга 16 430 сумга кадәр тәшкил итә.
«Быелдан башлап, бердәм пособие яңа туган балаларга, әгәр зуррак балаларга түләүләр булса, проактив рәвештә билгеләнә. Моннан тыш, барлык балаларга бердәм пособиенең түләү срокларын бер үк вакытка китерү мөмкин — моның өчен соңгы айда, пособие билгеләнгән чор тәмамланганчы, гариза бирергә кирәк, һәм түләү яңа срокка барлык балалар өчен бергә озайтыла», — дип аңлатты Татарстан буенча Россия Социаль фонды бүлеге җитәкчесе Эдуард Вафин.
Ведомство җитәкчесе күпбалалы гаиләләргә аерым игътибар бирде. Ул искә төшергәнчә, андый гаиләләрдәге аналар билгеләнгән яшьтән алда пенсиягә чыга: өч бала тудырган (яки уллыкка алган) һәм тәрбияләгән аналар
— 57 яшьтә, дүрт балалы аналар — 56 яшьтә, биш һәм аннан күбрәк балалылар — 50 яшьтә. Хәзерге вакытта республиканың СФР бүлеге 20 269 күпбалалы анага иминият пенсияләрен вакытыннан алда түли.
Чыгышы ахырында Эдуард Вафин барлык сораулар буенча бердәм контакт-үзәккә (8-800-100-00-01) яки Татарстан буенча фонд бүлегенең соцсетеләренә мөрәҗәгать итәргә мөмкин дип билгеләп үтте.
Татарстан Республикасы буенча Социаль фонд бүлеге хәбәр иткәнчә, төбәктә яшәүчеләргә фонд хезмәткәрләре исеменнән шалтырату һәм ялган юл белән шәхси мәгълүматлар әйттерү очраклары ешайган.
Әгәр сезгә шалтыратып, үзләрен Социаль фонд хезмәткәрләре дип таныштырсалар, пенсия яки башка социаль түләүләрне ачыклау яки яңадан исәпләү өчен шәхси мәгълүматларыгызны әйтергә сорасалар, моны эшләмәгез! Билгесез кешеләргә үзегез турында бернинди мәгълүмат хәбәр итмәгез.
"Миңа да Социаль фонд хезмәткәрләре булып шалтыраттылар һәм, пенсияне арттыру турында гариза бирү өчен, дәүләт хезмәтләре сайтына күчәргә куштылар, паспорт, банк картасы номерын һәм шәхси кабинеттан парольне атарга сорадылар. Ярый әле шунда ук Татарстан Социаль фонд бүлегенең контакт-үзәгенә шалтыраттым. Оператор минем шалтыратучылар сорауларына җавап бирмичә дөрес эшләгәнемне хәбәр итте”, - дип сөйләде Казаннан пенсионер Нурия Сөнгатова.
Таныш булмаган яки шикле номерлардан шалтыратуларга җавап бирмәгез һәм таныш булмаган кешеләргә дәүләт хезмәтләре сайтындагы шәхси кабинетка керү өчен парольне, паспорт, банк картасы номерын һәм аның ПИН-кодын хәбәр итмәгез.
Телефоннан шалтырату буенча гражданинны шәхси кабул итүгә яздырырга, ә аннары язылуны СМС буенча килгән код белән расларга тәкъдим итсәләр, бу, һичшиксез җинаятьчеләр. Социаль фонд сайтында гражданнар өчен "Кабул итүгә алдан язылу" электрон сервисы бар, анда һәркем клиент хезмәтенә килү өчен уңайлы көн һәм вакытны сайлый ала.
"Россия Социаль фондының Татарстан бүлеге хезмәткәрләре телефон аша шәхси мәгълүмат сорамыйлар, сылтамалар һәм СМС-хәбәрләр җибәрмиләр. Социаль фондның барлык хезмәтләреннән фондның төбәк бүлеге клиент хезмәтләрендә, күпфункцияле үзәкләрдә яки дәүләт хезмәтләре порталында файдаланырга мөмкин”, - дип билгеләп үтте Татарстан Республикасы буенча Социаль фонд бүлеге идарәчесе Эдуард Вафин.
Еш кына алдакчылар искергән карта яки пенсия акчасы керә торган банк счеты номеры турында хәбәр итәләр һәм акчаларны үзләре үк хәбәр итә торган банк счётына күчерергә мәҗбүр итәләр. Бу очракта шуны истән чыгармаска кирәк: пенсияне китерү ысулын, Социаль фондның төбәк бүлегенә шәхси гариза биреп бары тик пенсионер үзе генә сайлый . Өстәмә мәгълүмат яки консультация алу өчен гражданнар мөрәҗәгать итә ала:
- Бердәм контакт-үзәк аша: ☎ 8-800-1-00000-1 (бушлай, дүш.-пәнҗ.: 08:00-17:00, җомга.: 08:00-15:45);
- Татарстан Республикасы буенча Социаль фонд бүлегенең рәсми социаль челтәрләрдә: - ВКонтакте
- Одноклассники
- Telegram
Быелдан башлап сертификат хуҗалары ана капиталы акчасын йорт (йорт яки блокланган төзелеш йорты өлешләре) сатып алуга алыначак торакның яшәү өчен яраклы дип танылуы һәм торак бинага куела торган таләпләргә туры килүе турында бәяләмә булган очракта гына файдалана алалар. Мондый документны составында торак инспекциясе, Роспотребнадзор һәм башка ведомстволар вәкилләре кергән ведомствоара комиссияләр бирә. Аларның бурычлары - бинаның тиешле таләпләргә һәм нормаларга туры килүен бәяләү. Төзелеш корылмаларының техник торышы, гадәттән тыш хәл килеп туган очракта эвакуация мөмкинлекләре һәм башка характеристикалары бәяләнә.
Ана капиталын кулланып сатып алына торган күчемсез мөлкәт буенча уңай бәяләмәне район администрациясендә алырга мөмкин. Шуннан соң сертификат хуҗасы комиссиянең рәсмиләштерелгән бәяләмәсе белән социаль фондка мөрәҗәгать итә һәм сертификат акчасын файдалану турында гариза бирә. Мондый тәртип яшәү өчен яраклы булмаган торакка дәүләт ярдәмен куллануны тыярга мөмкинлек бирәчәк.
“Без ана капиталын файдалану процессын гаиләләр өчен мөмкин кадәр үтә күренмәле һәм куркынычсыз итәргә омтылабыз. Торак бәясенә яңа таләпләр дәүләт акчаларын сыйфатсыз яки яшәү өчен яраксыз торакка сарыф итү фактларыннан качарга ярдәм итәчәк. Бу - гаиләләр һәм балалар мәнфәгатьләрен яклау юнәлешендә мөһим адым”, - дип билгеләде Татарстан Республикасы социаль фонд бүлеге идарәчесе Эдуард Вафин.
«Без йорт сатып алу өчен ана капиталын кулланырга карар кылгач, мин әлеге процесс катлаулы булыр дип борчылдым. Ләкин барысы да шактый гадирәк булып чыкты. Торакның торышы турындагы бәяләмәне без тиз алдык, ә гаризаның электрон вариантта бирү минимум вакытны алды. Мәгълүматларның автомат рәвештә тулуы бик уңайлы - бу артык мәшәкатьләрдән арындыра,” - дип сөйләде Казаннан өч бала әнисе Алинә Галимова.
Торак мәсьәләләрен хәл итү ана капиталыннан файдалануның иң ихтыяҗлы юнәлеше булып кала, шуңа күрә аны уңайлырак һәм куркынычсызрак итү юнәлешендә әледән-әле яңалыклар кертелә. Узган елдан, мәсәлән, "Дәүләт хезмәте" аша йорт яки фатир сатып алуга гариза бирү гадиләштерелде. Ата-аналарга күчемсез милек турындагы мәгълүматларны кулдан кертергә кирәкми, чөнки порталда социаль фонд сервисы хәзер бөтен кирәкле мәгълүмат автомат рәвештә тартыла торган Росреестр сервислары белән интеграцияләнгән. Торак объектлар турында мәгълүматны автоматлаштырган режимда тутыру гаризада хаталарны булдырмаска ярдәм итә һәм мөрәҗәгатьне формаль сәбәпләр буенча кире кагу очрагына юл куймый.
Гаиләләргә уңайлы булсын өчен Россия Социаль фондның Татарстан бүлеге шулай ук банклар белән хезмәттәшлек итә, хәзер банкларда кредит рәсмиләштерү белән бер үк вакытта ана капиталыннан файдалану турында гариза да бирергә мөмкин. Фонд мәгълүмати хезмәттәшлек кысаларында кредит оешмасыннан барлык мәгълүматны ала, болай эшләү ата-аналарны документлар тапшыыру мәшәкатьләреннән азат итә.
Консультация алу өчен гражданнар 8-800-1-00000-1 телефоны буенча (бушлай, дүш.-пәнҗ.: 08:00-17:00, җомга.: 08:00-15:45) Бердәм контакт -үзәккә мөрәҗәгать итә ала.
Өстәмә мәгълүмат Социаль фондның рәсми социаль челтәрләрендә дә урнаштырылган:
- ВКонтакте
- Одноклассники
Telegram
Быелдан башлап махсус хәрби операциядә катнашып демобилизацияләнүчеләр фонд буйсынуындагы тернәкләндерү үзәкләрендә медицина тернәкләндерүе һәм шифаханә-курорт дәвалануы буенча хезмәтләрдән файдалана алалар. Татарстан Социаль фонды бүлеге дәвалануның бөтен процессы дәвамында махсус хәрби операциядә катнашучыларның һәркайсына тиешле хезмәт күрсәтүне тәэмин итәчәк. Тернәкләндерүнең дәвамлылыгы -25, шифаханә-курорт дәвалануы 21 көнгә кадәр тәшкил итә. Шифаханә-курорт дәвалануын елына бер тапкыр узарга мөмкин.
Тернәкләндерү үзәкләренә җибәргәндә, ветеранның сәламәтлеге торышы турында медик-социаль экспертиза мәгълүматлары исәпкә алына. Моңа кадәр ул тикшерү узмаган һәм инвалидлыгы булмаган очракта, тернәкләндерү үзәгендә диагностика үткәрәчәкләр һәм дәвалау курсын билгеләячәкләр. Хәрби операциядә катнашып, Россия Герое исеменә лаек булучылар яки беренче төркем инвалидлык алучылар тернәкләндерү үзәкләрендә дәвалануга чираттан тыш юллама алырга хокуклы.
Тернәкләндерү үзәкләрендә дәвалануга гаризаны Социаль фонд бүлегенең барлык клиент хезмәтләрендә һәм күпфункцияле үзәкләрдә бирергә мөмкин. Белгечләр гариза буенча карарны 2 эш көне дәвамында кабул итә.
Тернәкләндерү һәм шифаханә-курорт дәвалау хезмәтләреннән файдалану мөмкинлеген арттыру максатында махсус хәрби операция ветераннары өчен тернәкләндерү үзәгенә бару һәм кире кайтуга киткән юл чыгымнарын компенсацияләү күздә тотыла. Моннан тыш, I төркем инвалидлыгы булган яисә тернәкләндерү өчен медицина документларында озата баруга мохтаҗлык билгеләнгән очракта, хәрби операциядә катнашкан ветеран үзе белән озата баручы да алып бара ала. Озата баручының юл һәм яшәү чыгымнары шулай ук Социаль фонд бүлеге тарафыннан түләнә. Юл чыгымнарын каплау өчен ветеранга гариза бирергә һәм аңа бару-кайту чыгымнарын раслаучы документларны теркәргә кирәк. Бу- транспортның теләсә нинди төре, шул исәптән поезд, самолет, су транспорты, автобус яки шәхси автомобиль булырга мөмкин.
"Без махсус хәрби операциядән демобилизацияләнгән ветераннар өчен тернәкләндерү процессын максималь дәрәҗәдә уңайлы итеп эшләргә омтылабыз. Аларның һәркайсы игътибарга һәм ярдәмгә лаек, һәм безнең бурыч – аларның сәламәтлекләрен ныгыту өчен тиешле шартлар тудыру, - дип билгеләп үтте Россия Социаль фондының Татарстан Республикасы бүлеге идарәчесе Эдуард Вафин.
Консультация алу өчен гражданнар 8-800-1-00000-1 телефоны буенча (бушлай, дүш.-пәнҗ.: 08:00-17:00, җомга.: 08:00-15:45) Бердәм контакт -үзәккә мөрәҗәгать итә ала.
Өстәмә мәгълүмат Социаль фондның рәсми социаль челтәрләрендә дә урнаштырылган:
- ВКонтакте
- Одноклассники
-Telegram
2024 елдан башлап Татарстан Республикасының 4 меңнән артык гаиләсе ана капиталы акчасының калган өлешен бер тапкыр түләү рәвешендә алу хокукыннан файдаланды. Түләүләр калган сумма 10 мең сумнан кимрәк булган гаиләләргә бирелә.
Ана капиталы акчаларын төрле максатларда (мәсәлән, торак шартларын яхшырту яки балалар укыткан өчен түләү) файдаланганнан соң, счетта 10 мең сумнан да азрак акча калган очракта, гаилә аны акчалата алырга мөмкин. Ярдәмнең мондый чарасы ана капиталы акчаларын мөмкин кадәр нәтиҗәлерәк файдаланырга мөмкинлек бирә.
"Әлеге программа ярдәмендә без калган акчаны балаларыбызның хыялларын тормышка ашыру өчен куллана алдык. Улыма телескоп, ә кызыма яшь химик җыелмасы сатып алдык”, - дип сөйләде Казаннан ике бала әнисе Анна Иванова.
Мондый мөмкинлек элек ана капиталы акчаларын торак шартларын яхшырту, балалар укыткан өчен түләү, ананың тупланма пенсиясен формалаштыру яки законда каралган башка максатларда кулланган барлык гаиләләргә бирелә.
Дәүләт хезмәтләре порталындагы шәхси кабинет аша бирелгән гариза буенча уңай карар чыгарылганнан соң, акча 5 эш көне дәвамында күчерелә.
"Без гаиләләрнең ана капиталыннан файдалануның мөмкин булган барлык ресурсларын тормыш шартларын яхшырту максатында куллана алуларына шат. Бу- гаиләләрнең финанс тотрыклылыгын тәэмин итү һәм республиканың демографик үсешенә
ярдәм итү юнәлешендә мөһим адым”, - диде, Татарстан Республикасы буенча СФР бүлеге идарәчесе Эдуард Вафин.
Өстәмә мәгълүмат яки консультация алу өчен гражданнар мөрәҗәгать итә ала:
- Бердәм контакт-үзәк аша: ☎ 8-800-1-00000-1 (бушлай, дүш.-пәнҗ.: 08:00-17:00, җомга.: 08:00-15:45);
- Татарстан Республикасы буенча Социаль фонд бүлегенең рәсми социаль челтәрләрдә: - ВКонтакте
- Одноклассники
- Telegram