ЯҢАЛЫКЛАР
Социаль фонд әлегә кадәр сертификаттан файдаланмаган барлык гаиләләргә 1 февральдән ана капиталы суммасын арттырачак. 7,5% күләмендә индексацияне шулай ук сертификат акчаларның бер өлешен кулланмаган ата-аналар да алачак. Файдаланылмаган сумма никадәр күбрәк булса, индексациядән соң өстәмә шулкадәр югарырак булачак.
Сертификат акчасын тулысынча саклаган гаиләләрне максималь үсеш көтә. Алар өчен сумма 44 мең сумга артачак. Ана капиталы икенче балага арттырылган күләмдә рәсмиләштерелгән һәм шул ук вакытта бернинди чыгымнар да булмаган очракта, арту 58 мең сум тәшкил итәчәк.
Ана капиталының бер өлешен саклап калган ата-аналар шулай ук ике айдан соң индексациягә исәп тотарга хокуклы. Әгәр өлешчә файдаланганнан соң гаиләнең, мәсәлән, 375 мең сум акчасы калган булса, бу сумма февральдә 7,5% ка артачак. Нәтиҗәдә гаилә 403 мең сум күләмендә акча белән эш итә алачак.
Файдаланылмаган ана капиталы суммасы турында мәгълүматны ата-аналар дәүләт хезмәтләре порталында ала алалар. Социаль фондның бу сервисы һәрвакытта да гаилә программаның гамәлдәге юнәлешләренә юнәлтә ала торган чаралар турында актуаль мәгълүматлар алырга мөмкинлек бирә.
Исегезгә төшерәбез, аның шартлары буенча ана капиталы елына бер тапкыр фактик инфляция дәрәҗәсенә индексацияләнергә тиеш. Икътисади үсеш министрлыгы фаразына караганда, ул бу ел ахырына 7,5% тәшкил итәчәк.
1 февральдән беренче балага ана капиталы күләме 631 мең сумга кадәр үсәчәк. Икенче балага ана капиталы 833,8 мең сумга кадәр артачак.
 |
Россия Социаль Фондының Татарстан Республикасы буенча
бүлекчәсенең Контакт –үзәге 8 800 1-000-001
Интернет-ресурслар http://sfr.gov.ru
4 декабрьдә Татарстан Республикасында укучы яшьләрнең пенсия, финанс һәм социаль белемен күтәрү буенча мәгълүмати кампания старт ала. Социаль фондның Татарстан бүлеге белгечләре гомуми белем бирү мәктәпләренең өлкән сыйныф укучылары һәм урта һөнәри уку йортлары студентлары белән интерактив танып белү дәресләре үткәрәчәкләр, пенсия хокуклары, аларның формалашу тәртибе белән таныштырачаклар, булачак пенсия турында яшьтән үк кайгырту һәм "ак хезмәт хакы" алып эшләү кирәклеге турында сөйләячәкләр.
"Пенсион грамоталылык көннәре" мәгълүмат кампаниясен ел ахырына кадәр дәвам итү планлаштырылган, әмма укучы яшьләр арасында аңлату эшләре даими алып барыла. Аның максаты - пенсия һәм финанс культурасын формалаштыру, һәркемгә үз киләчәге өчен шәхси җаваплылыкны аңлауга ирешүдә ярдәм итү. Узган елда гына да республиканың меңләгән уку йортларында дәресләр үткәрелде, 30 меңгә якын укучы һәм студент белем алды”, - дип билгеләп үтте Татарстан Республикасы буенча Социаль фонд бүлеге идарәчесе Эдуард Вафин.
Исегезгә төшерәбез, белем алучы укучы яшьләр өчен Россия Социаль фондының рәсми сайтында Укучыларга пенсия турында дигән интернет – ресурс эшли, анда Россия пенсия системасының төзелеше һәм булачак пенсияне ничек дөрес формалаштыру турында аңлаешлы һәм мавыктыргыч мәгълүмат бирелә.
|
Россия Социаль Фондының Татарстан Республикасы буенча
бүлекчәсенең Контакт –үзәге 8 800 1-000-001
Интернет-ресурслар http://sfr.gov.ru
Агымдагы айда пенсионерның үлүенә бәйле рәвештә түләп бетерелмәгән пенсия суммалары аның гаилә әгъзаларына (балаларга, ата-аналарга, ирләренә, хатыннарына, туганнарына, якыннарына, оныкларына, бабаларына, әбиләренә) түләнә, мөрәҗәгать пенсионер вафат булган көннән алып 6 айга кадәр аның белән бергә яшәгән очракта. Үлемгә бәйле рәвештә пенсионер ала алмаган пенсияләрнең исәпләнгән суммаларын алу өчен түбәндәге документлар тапшырыла: Үлемгә бәйле рәвештә пенсионер алмаган пенсияне түләү турында гариза. Алып бетермәгән пенсия алу өчен мөрәҗәгать иткән зат паспорты. Үлем турында таныклык. Үлгән пенсионер белән бергә яшәүне раслый торган документ; Үлгән кеше белән туганлык мөнәсәбәтләре турындагы документлар (туу турында таныклык, никахлашу турында таныклык, торак органнары яисә җирле үзидарә органнарының гаилә составы турындагы белешмәсе).
Үлгән пенсионер белән бергә яшәгән гаилә әгъзалары булмаганда, пенсияләрнең алынмаган суммалары Россия Федерациясе Граждан кодексында билгеләнгән гомуми нигезләрдә нәселләнә. Бу очракта үлгән пенсионерның мөмкин булган варислары, үлем көненнән алып алты ай срок үткәнчегә кадәр, пенсионер яшәгән вакытта түләнмәгән пенсия суммалары турында белешмә алган өчен социаль фондның территориаль органына мөрәҗәгать итәләр. Белешмә нотариус һәм гариза гарызнамәсе нигезендә рәсмиләштерелә. Үлем белән бәйле рәвештә пенсионер алмаган пенсияне түләү турындагы гаризаны МФЦга тапшырырга мөмкин!
Юбилей сертификатының бәхетле хуҗалары- Казаннан Фәйзуллиннар гаиләсе. Кызлары Айдана- Аделя һәм Айдар Фәйзуллинлар гаиләсендә көтеп алынган беренче бала. Һөнәре буенча Аделя банк хезмәткәре, Айдар Казан заводларының берсендә эшли.
«Кызымның дөньяга килүе безнең гаиләгә икеләтә шатлык китерде: әти-әни булу бәхетенә ирештек һәм ана капиталына ия булдык. Сертификатны рәсмиләштерү өчен безгә беркая да мөрәҗәгать итәргә кирәкмәде, аны шәхси кабинетка җибәрделәр. Балабыз туганнан соң мәшәкатьле чорда ярдәм иткәне өчен Татарстан Социаль фондына рәхмәт. Дәүләт ярдәме безгә бик урынлы булды, без ана капиталы белән ипотеканы ябарга планлаштырабыз,” - дип шатлыклары белән уртаклашты яшь әти-әни.
2020 елның апреленнән дәүләт сертификатлары Дәүләт хезмәтләре порталында (gosuslugi.ru) әнинең шәхси кабинетына керүче электрон документ рәвешендә формалаша. Сертификатның цифрлы версиясе элек кәгазь сертификатында булган мәгълүматларны үз эченә ала. Ул "ЗАГС" Бердәм дәүләт реестрыннан Татарстан Социаль фондына кергән мәгълүматларны файдаланып, проактив режимда, ягъни гариза кабул итмичә генә рәсмиләштерелә. Бүгенге көндә Татарстан Социаль фондына мөрәҗәгать итмичә, проактив вариантта 95 меңнән артык сертификат рәсмиләштерелгән.
«Мин Фәйзуллинлар гаиләсен тормышларында төп вакыйга - сабыйлары туу белән чын күңелдән котлыйм. Бу документ алар һәм меңләгән Татарстан гаиләләре өчен дәүләтебезнең ярдәм гаранты булсын, ә ата-аналарның игелекле хезмәте балаларның иминлеге һәм рәхмәте белән бүләкләнсен”, - дип билгеләп үтте Татарстан Социаль фонды идарәчесе Эдуард Вафин.
Ана капиталына беренче сертификат 2007 елда бирелде. Ул вакытта балалы гаиләләргә дәүләт ярдәме күләме 250 мең сум тәшкил итә иде. Бүгенге көндә бу сумма 3 тапкырга арткан һәм, икенче бала тугач гомуми сумма 785 мең сумга җиткән. 2020 елдан башлап сертификат алу хокукы беренче бала тугач яки уллыкка алынгач та бирелә. Аның күләме 587 мең сум тәшкил итә.
|
Россия Социаль Фондының Татарстан Республикасы буенча
бүлекчәсенең Контакт –үзәге 8 800 1-000-001
Интернет-ресурслар http://sfr.gov.ru
Бүгенге көндә Татарстан Социаль фондының электрон вариантта хезмәт күрсәтүе фондның барлык эшчәнлек юнәлешләрен - пенсияләрне, сәламәтлек буенча вакытлыча хезмәткә яраксызлык белешмәләрен, социаль түләүләрне һәм балаларга пособиеләрне, инвалидларны һәм өлкәннәрне тәрбияләүне рәсмиләштерүне, хәрби һәм радиациядән зарар күргән гаиләләргә ярдәм итү чараларын үз эченә ала.
Моннан тыш, Дәүләт хезмәтләрендә татарстанлыларга электрон хезмәт кенәгәсен һәм шәхси счет торышын тикшерергә, пенсия тупланмаларын бер тапкыр түләүгә гариза бирергә мөмкинлек бирүче сервислар тәкъдим ителгән. Ә инвалидлыгы булган гражданнар һәм аларның вәкилләре реабилитацияләүнең техник чараларын алуга һәм махсуслаштырылган урыннарда машина кую өчен автомобиль теркәргә гариза бирә ала.
Дәүләт хезмәтләре порталында фонд хезмәтләреннән файдалану өчен гражданинның расланган хисап язмасы булуы зарур, бу очракта гариза бирү бары тик берничә кликта гына узачак. Исәпкә алу язмасын формалаштыру өчен Дәүләт хезмәтләре порталының шәхси кабинеты профилендә паспорт мәгълүматларын һәм СНИЛС номерын кертергә һәм мәгълүматларны тикшерүне көтәргә кирәк. Мәгълүматларны тикшергәннән соң, профиль "Стандарт"ка эйләнә, аннан соң хисап язмасы хуҗасының шәхесен тәкъдим ителгән вариантларның берсе буенча расларга кирәк булачак:
- паспорт һәм СНИЛС белән хезмәт күрсәтү үзәкләренең берсенә шәхси мөрәҗәгать итеп;
- онлайн-банкта - функциядән сез клиент булып торган кредит учреждениесендә файдаланып булачак;
- Россия почтасы буенча профильдән шәхесне раслау кодын заказ биреп, почта аша;
-электрон имза белән - квалификацияле электрон имзаны (КЭП) яисә Универсаль электрон картаны (УЭК) кулланып.
Расланган исәпкә алу язуы белән барлык электрон Дәүләт хезмәтләреннән дә файдаланырга мөмкин.
|
Россия Социаль Фондының Татарстан Республикасы буенча
бүлекчәсенең Контакт –үзәге 8 800 1-000-001
Интернет-ресурслар http://sfr.gov.ru
Социаль фондның Татарстан бүлеге идарәчесе Эдуард Вафин, Татарстан Республикасы Профсоюзлар федерациясе рәисе Елена Кузьмичева һәм Татарстан Республикасы предприятиеләре ассоциациясе президенты Александр Лаврентьев эшләүче гражданнарны социаль яклау системасының нәтиҗәлелеген арттыру мәсьәләләре буенча үзара хезмәттәшлек турында килешү имзаладылар.
«Россия Социаль фондының Татарстан бүлеге бу килешүгә беренче тапкыр кул куя. Әмма якларның мәнфәгатьләре, алдагы елларда Социаль иминиятләштерү фондының региональ бүлеге белән килешү төзелгәндәге кебек үк, үзара тыгыз бәйләнештә. Безнең гражданнар хокукларын социаль яклау, хезмәтне нәтиҗәле саклау, предприятиеләрнең иминиятчеләре һәм хезмәткәрләре белән мәгълүмати хезмәттәшлекне профсоюз активлары белән берлектә тәэмин итүдә тыгыз хезмәттәшлек итәсебезгә ышанам», - дип билгеләп үтте документка кул кую барышында Татарстан Социаль фонды башлыгы Эдуард Вафин.
Имзаланган өч яклы килешү социаль партнерларның предприятиеләрдә, оешмаларда һәм учреждениеләрдә иҗтимагый комиссияләр һәм профактивлар формалаштыру һәм алар эшчәнлегендә актив хезмәттәшлеген күздә тота. Бу иминиятләштерүчеләрнең мәҗбүри пенсия һәм социаль иминиятләштерүгә иминият взнослары түләү буенча җаваплылыгын арттыруга өстәмә ярдәм итәчәк.
Исегезгә төшерәбез, 2023 елда эш бирүчеләрнең җитештерүдәге имгәнүләрне киметү буенча кисәтү чараларын үткәрүгә моңа кадәр исәпләнгән иминият кертемнәреннән мәҗбүри социаль иминиятләү чыгымнарын тотып калганнан соң 20%ын файдалану хокукы бар. Иминиятләштерүче акчаны пенсия алды һәм пенсия яшендәге хезмәткәрләрне шифаханә-курорт дәвалануына юнәлтергә планлаштырган очракта чыгымнар күләмен 30% ка кадәр артырга мөмкин.
Татарстан Республикасы буенча Социаль фонд бүлеге производствода бәхетсезлек очракларының һәм һөнәри авыруларның санын киметү ягында. Бары тик быел гына хезмәтне саклау чараларын тәэмин итүгә Россия Социаль фонды бүлеге 545 миллион сумнан артык акча күчерде.
Россия Социаль Фондының кисәтү чараларын финанслау турында бөтен мәгълүматлар, шулай ук кирәкле документлар исемлеге белән Татарстан Республикасы буенча Социаль фонд сайтындагы махсус бүлектә танышырга мөмкин.
|
Россия Социаль Фондының Татарстан Республикасы буенча
бүлекчәсенең Контакт –үзәге 8 800 1-000-001
Интернет-ресурслар http://sfr.gov.ru
Татарстан Республикасы буенча Социаль фонд бүлеге идарәчесе Эдуард Вафин һәм республика мәгариф һәм фән министры Илсур Һадиуллин мәгълүмати хезмәттәшлек турында килешү имзаладылар.
Хезмәттәшлек кысаларында министрлык Россия Социаль фондының төбәк бүлегенә муниципаль мәктәпкәчә белем бирү учреждениеләре тарафыннан күрсәтелә торган түләүле хезмәтләр турында белешмәләр тапшырачак. Хәзер ата-аналарның ана капиталын балага(балаларга) белем бирүгә юнәлтү турындагы гаризалары фондка кирәкле документларны тапшырмыйча гына каралачак.
"Моңа кадәр Россия Социаль фондының төбәк бүлеге мәктәпкәчә белем бирү учреждениеләренең һәркайсы белән мәгълүмати хезмәттәшлек турында килешүләр имзалаган иде, бу билгеле бер кыенлыклар тудырды, чөнки мәктәпкәчә белем бирү учреждениеләренең барысы да сакланган элемтә каналлары буенча электрон документ әйләнешенә әзер түгел иде. Яңа килешү Социаль фонд тарафыннан ана капиталы акчаларын балаларга мәктәпкәчә белем бирү өчен куллану буенча дәүләт хезмәтләре күрсәтү процессын гадиләштерә һәм тизләтә. Шул рәвешле, без гаризаларны карау срогын 5 эш көненә кадәр кыскарттык, димәк, карар чыгару һәм ана капиталы акчаларын мөрәҗәгать итүчеләр счетларына күчерү сроклары да кыскара ", - дип билгеләп үтте Татарстан Социаль фонды башлыгы Эдуард Вафин.
Исегезгә төшерәбез, ана капиталыннан файдалану турындагы гаризаны ата-аналар, элеккеге кебек үк, дәүләт хезмәтләре порталындагы шәхси кабинет аша, Социаль фондның клиент хезмәтендә яки күпфункцияле үзәккә килеп тапшыра алалар.
Сораулар белән 8-800-1-00000-1 телефоны аша Социаль фондның Татарстан бүлеге контакт-үзәгенә мөрәҗәгать итәргә мөмкин (шалтырату бушлай).
|
Россия Социаль Фондының Татарстан Республикасы буенча
бүлекчәсенең Контакт –үзәге 8 800 1-000-001
Интернет-ресурслар http://sfr.gov.ru
Бала карау буенча ялны әниләр генә түгел, әтиләр дә рәсмиләштерә ала. Татарстанда бүгенге көнгә 1000 якын ир-ат үзенә шундый ял рәсмиләштергән.
Бала карау буенча ялны рәсмиләштерү өчен ата-анага эш бирүчегә декрет ялы бирү һәм түләү билгеләү турында гариза тапшыру да җитә.
"Бала карау буенча ял балага 3 яшь тулганчы бирелә. Әмма айлык пособие бала 1,5 яшькә җиткәнче генә түләнә. Мондый пособиене декретка киткәнче эшләмәгән ата-аналар ала. Максималь пособие күләме уртача хезмәт хакының 40% ын тәшкил итә, ләкин 33,2 мең сумнан артмый, - дип билгеләп үтте Татарстан Социаль фонды башлыгы Эдуард Вафин.
Ата-ана бала карау буенча декрет ялында булганда, аның пенсия хокуклары формалаша, чөнки бу чор иминият стажына кертеп исәпләнә.
Шунысын билгеләп үтәргә кирәк, бала карау буенча ялны баланың әнисе яки әтисе генә түгел, бабасы, әбисе һәм теләсә кайсы туганы яки опекуны да рәсмиләштерә ала.
Гаиләдә бер елда ике бала, игезәкләр яисә берьюлы өч бала туган очракта бала карау буенча ялга әти-әниләрнең икесе дә китәргә мөмкин.
|
Россия Социаль Фондының Татарстан Республикасы буенча
бүлекчәсенең Контакт –үзәге 8 800 1-000-001
Интернет-ресурслар http://sfr.gov.ru
Социаль фондның Татарстан бүлеге махсус хәрби операциядә катнашучыларга һәм аларның гаилә әгъзаларына түбәндәге социаль ярдәм чараларын күрсәтә:
- чакырылыш (мобилизацияләнү) буенча хәрби хезмәт узучы хәрби хезмәткәрнең баласына 15 548 сум күләмендә айлык пособие.
Түләү әтисенең хәрби хезмәт итү чорында бала туган көннән башлап билгеләнә. Акчалар балага өч яшь тулганчы, әтисенең хезмәте тәмамланган көнгә кадәр түләнә.
- йөклелек срогы 180 көннән дә ким булмаган йөкле хатыннарга бер тапкыр 36 278 сум күләмендә пособие түләнә.
Мобилизацияләнгән хәрби хезмәткәрләрнең гаиләләренә ярдәм итүнең тагын бер чарасы - ул махсус хәрби операциядә катнашучылар гаиләләренә ташламалы шартларда билгеләнә торган бердәм пособие. Пособие билгеләгәндә, мобилизацияләнгән хәрби хезмәткәрнең элек алган хезмәт хаклары, премияләр, эшкуарлык кереме исәпкә алынмый.
Мобилизацияләнгән гражданнарга нуль керем кагыйдәсе дә кагылмый: ир белән хатынның объектив сәбәпләрсез рәсми хезмәт хаклары булмыйча, гаилә мохтаҗ дип танылган очракта да пособие билгеләнәчәк. Моңа кадәр ир йә хатынның кереме булмау сәбәпле пособие билгеләнмәгән булса, гаилә Россия Социаль фонды бүлегенә түләү билгеләүне сорап кабат мөрәҗәгать итәргә мөмкин.
Исегезгә төшерәбез, мобилизация буенча хәрби хезмәткә чакыру фактын раслаучы документлар мөрәҗәгать итүче тарафыннан мөстәкыйль рәвештә тапшырыла. Пособие 6 айга билгеләнә. Шул вакыт узгач, гаилә яңадан гариза бирә ала.
Моннан тыш, Татарстан Социаль фонды, хәрби җәрәхәт алу нәтиҗәсендә инвалид дип танылган гражданнарга 1000 сум күләмендә өстәмә айлык матди тәэмин итүне билгели.
Хәрби хезмәткә чакыру буенча хәрби хезмәт бурычларын үтәгәндә һәлак булган яки хәрби хезмәттән азат ителгәннән соң хәрби җәрәхәт алу нәтиҗәсендә вафат булган хәрбиләрнең балаларына ай саен 2 815 сум күләмендә пособие билгеләнә.
Сугыш хәрәкәтләре ветеранына ай саен 3 896 сум күләмендә акчалата түләү билгеләнә, ә һәлак булган ветеранның гаилә әгъзаларына ай саен 2 125 сум күләмендә түләү билгеләнә ала. Бу ярдәм чарасын алу өчен сугыш хәрәкәтләре ветеранының таныклыгы кирәк.
Хәрби хезмәт вакытында һәлак булган хәрбиләрнең тол хатыннары торак биналарына түләү чыгымнарына бәйле рәвештә компенсация түләүләре алу хокукына ия. Түләү күләме айлык коммуналь хезмәтләр чыгымнарының 60% тәшкил итә, шул исәптән стационар шәһәр телефонын урнаштыру чыгымнары.
Хәрби хезмәт вакытында һәлак булган хәрбиләрнең гаилә әгъзаларына шәхси торак йортларын ремонтлауга акча билгеләнә ала.
Бу түләүләрне дәүләт хезмәтләре Порталы аша яки шәхсән социаль фондның клиентлар хезмәтендә, күпфункцияле үзәкләрдә рәсмиләштерергә яки «Ватанны саклаучылар»фондына мөрәҗәгать итәргә мөмкин.
Социаль ярдәм чараларын билгеләү мәсьәләләре буенча консультацияне контакт-үзәк телефоны аша алырга мөмкин: 8-800-1-00000-1 (бушлай шалтырату).
Россия Социаль Фондының Татарстан Республикасы буенча
бүлекчәсенең Контакт –үзәге 8 800 1-000-001
Интернет-ресурслар http://sfr.gov.ru
www.ok.ru/group/sfrtatarstan
Күп бала тәрбияләүче аналар пенсиягә вакытыннан алда чыгарга мөмкин. Әлеге контекстта сүз биш һәм аннан да күбрәк баласы булган хатын-кызлар турында бара. Алар пенсиягә 50 яшендә чыгарга хокуклы. Шул ук вакытта дүрт һәм өч бала үстерүче аналар элеге хокуктан 56 һәм 57 яшьтә файдалана ала. Бүген Татарстанда 17 меңгә якын хатын-кыз иминият пенсиясен вакытыннан алда ала.
Күп балалы аналарга вакытыннан алда пенсия билгеләү өчен түбәндәге таләпләр үтәлергә тиеш : 15 ел хезмәт стажы булу, 23,4 пенсия коэффициенты туплау, балаларны 8 яшькә җиткәнче тәрбияләү һәм ата-ана хокукларыннан мәхрүм итү йә уллыкка алуны юкка чыгару факты булмау.
Татарстанлылар аша хезмәт стажы һәм пенсия коэффициентларының санын sfr.gov.ru сайтындагы шәхси кабинетларында яки дәүләт хезмәтләре порталында ачыклый алалар